هى النتيجه ظهرت؟
هى المحاضره اتلغت؟
هو كيلو اللحمه بقى ب 70 جنيه؟
هى مصر هتنضم لحلف شمال الاطلسى؟
هى هيفاء ناويه تعتزل الغناء وتتفرغ للعباده؟
والجواب غالبا ما بيكون:
" بيقولوا "
طب مين هما اللى بقولوا؟
طب دول تبع انهى تنظيم ؟
بيتبعوا انهى سياسه؟
هل ليهم علاقه بحادثه 11 سبتمبر ؟
ده سؤال محيرنا كلنا ومحيرنى انا اكتر لأن مش كل من هب ودب هيعض يطلع فى اشاعات ويفتى لمجرد انه مش لاقى حاجه يعملها او ممكن نقول انه عنده حاسه سادسه ليه لآ !!! العلم عند الله بس المشكله الاكبر فى اللى بيسمعوا وينفذوا بدون اى تفكير!!!!!
فيها ايه لو اتمشيت شويه وروحت سألت اذا كان الدكتور جاى ولا لآ؟؟؟
فيها ايه لو اخدت من وقتك الثمييييييين نص ساعه وتدخل ع النت تدور عن مصدر الخبر اللى انت سمعته ؟؟؟؟؟؟
ليه بنكسل؟؟؟
ليه بنتواكل؟؟؟
ليه بنصعب الأمور ونعقدها؟؟؟
ليه مانخليش للوقت بتاعنا معنى واهميه جد مش هزار؟؟؟
كلنا جوانا طاقه وحماس بس مش عارفين نوظفها صح ..
حاسين ان حياتنا محتاجه شويه ترتيب ماتبقاش زى دولاب هدومنا كل حته فى حته
حاسين اننا نقدر ندى بس مش عارفين ندى فين
كل اللى حولينا بيحولوا يحبطوا من قدراتك وطموحاتك
" ياعم كبر عيش حياتك هو انت عايز تشتغل وتوجع قلبك عشان مليمين فى الآخر ويرجع حيلك مهدود عييييييييييييييييييييييش "
فكر عايز تعييييييييييييش وانت حاسس انك فى دوامه من البيت للجامعه للخروج مع اصحابى كافيهات وسيتى ستارز وعربيات وعيييييييش
ولا شويه كده وشويه كده مابنقولش تفرم نفسك بس وازن بين حياتك ومسؤلياتك
و كده او كده انت هتعيييييييييييييييييييييييييييييييييييييييييييييييييييييييش
ليست هناك تعليقات:
إرسال تعليق